လါအီးကထိဘၢၣ်(၄)သီ,၂၀၂၄နံၣ်
တဲၣ်ဖိကလံၤမုၫ်ခရၣ်သိၣ်န့ၣ် နုာ်လီၤအူ၀ဲ ထဲၣ်၀ၣ်ကီးလၢကလံၤထံးတကပၤအဃိ ပှၤဘၣ်သံ(၂)ဂၤ,ဟါမၫ်(၂)ဒီး ပှၤအဂၤ(၁၂၃)ဂၤ ဘၣ်ဒိဘၣ်ထံး၀ဲန့ၣ်လီၤ.
ကလံၤမုၫ်န့ၣ် တချူးနုာ်လီၤအူ၀ဲ ထဲၣ်၀ၣ်ကလံၤထံးဒံးဘၣ်အကတီၫ် ပဒိၣ်၀ဲၤဒၢးတဖၣ်,တၫ်သိၣ်လိကၠိတဖၣ် ဒီးကျိာ်စ့တၫ်ဖံးတၫ်မၤတဖၣ် တၫ်ကကးတံာ်ကွံာ်ဃာ်အဂီၫ် ပဒိၣ်နဲၣ်လီၤဃာ်၀ဲလီၤ.
လီၫ်က၀ီၤနီၣ်ထိၣ် ဂီၤ(၈)နၣ်ရံၣ်တခီအကတီၫ်, တဲၣ်ဖိကလံၤမုၫ်အဃိ ထဲၣ်၀ဲၣ်ကီးဒီတဘ့ၣ် ကီၫ်ရ့ၣ်ဒီး၀့ၫ်ဖးဒိၣ်(၁၃)၀့ၫ်အပူၤ ပှၤ(၉,၉၆၇)ဂၤ တၫ်သုးအီၤဆူတၫ်လီၫ်ပူၤဖျဲးအလီၫ်၀ံၤ ဟံၣ်ခိၣ် ၁၀၉,၀၀၀ဘျဲၣ် လီမ့ၣ်အူဟးဂီၤကွံာ်၀ဲလီၤ.
ကီးအခိၣ်စိးကီၫ်ရ့ၣ်တဖၣ်ပာ်ဃုာ် ကီၫ်ရ့ၣ်(၂၂)ဘ့ၣ်အပူၤ ပၢပြးဒီးကၠိတၫ်ဟူးတၫ်ဂဲၤတဖၣ် ဖဲမုၫ်လွံၫ်နံၤအနံၤန့ၣ် တၫ်အိၣ်ပတုာ်ကွံာ်ကဒီး၀ံၤ လၢထီယွၣ်(ထောင်းယွမ်) ထံဂုၤကီၫ်ဂၤကဘီယူၤပျီအပူၤ ကလံၤကျါတၫ်လဲၤထီၣ်က့ၤလီၤ(၂၀၀)ဘျဲၣ် တၫ်ပတုာ်ဃာ်၀ဲလီၤ.
ကလံၤမုၫ်အံၤ အူတၫ်အသဟီၣ် တနၣ်ရံၣ်အိၣ်၀ဲ(၁၂၆)တုၤ(၁၆၂)ကံၣ်လိၣ်မံထၢၣ် လၢအဂံၫ်ဆူၣ်ဆူၣ်ဒီး သုးအသးနုာ် လီၤအူ၀ဲကီးကယီကယီန့ၣ်လီၤ.
တဲၣ်ဖိကလံၤမုၫ်န့ၣ် သုးဃီၤအသးဆူ ထဲၣ်၀ၣ်မုၫ်နုာ်တၫ်ပၢၤခိၣ်ကယီကယီ၀ံၤ တချူးတုၤ၀့ၫ်ခိၣ်တဲၣ်ပ့ၣ်အကတီၫ် မုၫ်ယဲၫ်နံၤအလီၫ်ခံ ကကဲထီၣ်ကလံၤတၫ်ဆီးသနံးလၢအဂံၫ်စၫ်အဂ့ၫ် မူခိၣ်ကလံၤသီၣ်ဂီၤ ပှၤတယာ်တၫ် ၀ူၣ်၀ါဟၣ်တယာ်ဃာ်၀ဲလီၤ.ဘၣ်ဆၣ်သနာ်က့ မ့ၫ်လၢထံထီၣ်အဆၢကတီၫ်အဃိ ကလံၤမုၫ်ဆံးတဖၣ် အူတၫ်သ့အဂ့ၫ် ဟ့ၣ်ပလီၫ်ဃာ်၀ဲလီၤ.
Ref: DVB
