လါစဲးပထ့ဘၢၣ်(၃၀)သီ,၂၀၂၄နံၣ်
လါစဲးပထ့ဘၢၣ်(၂၈)သီအနံၤ, ခ့ၣ်အဲၣ်ယူၣ်-လီၢ်ခၢၣ်သး၀ဲၤလီၢ်ခိၣ်သ့ၣ် တၢ်ကစီၣ်ပၥ်ဖျါဃၣ်၀ဲလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်တီအူ, ကီၢ်ဆၣ်(၂)ဘ့ၣ်အပူၤ ဘၣ်ကွၢ်ဆၢၣ်မဲၥ်ဘၣ်ဒီး ခိၣ်ဃၢၤန့ဆၢၣ်တၢ်လီၤဘၣ်ယိၣ်တဖၣ်လၢအမ့ၢ် ထံဒိၣ်နိယွၤဒီးဟီၣ်ခိၣ်လီၤပှီၢ်တဖၣ် တပယူၥ်ဃီအဂ့ၢ်န့ၣ်လီၤ.
လါစဲးပထ့ဘၢၣ်(၉)သီအနံၤ, ခီဖျိလၢမူခိၣ်စူၤဒိၣ်အဃိ ဒီၣ်ဖးခိၣ်ကီၢ်ဆၣ်, ဟဲၣ်သၣ်ဖိၣ်လံၣ်(မဲလိၣ်)ကရူၢ်, လ့ၤလီၢ်ဒ့သ၀ီအပူၤ ဖဲလၢဟါ(၁၂)နၣ်ရံၣ်အဆၢကတီၢ် ဟီၣ်ခိၣ်လီၤပှီၢ်ကဲထီသး၀ံၤ ဘၣ်သံ၀ဲ စီၤမီၣ်လ့သးနံၣ်(၂၆)အဟံၣ်ဖိဃီဖိတဖၣ်လၢအမ့ၢ် အမါ,အဖိခွါဒီး ဖိမုၣ်ခဲလၢၥ်(၄)ဂၤအဂ့ၢ် ပၥ်ဖျါဃၣ်၀ဲန့ၣ်လီၤ.
ဖဲအပူၤကွံၥ် လါစဲးပထ့ဘၢၣ်(၂၂)သီအနံၤစ့ၢ်ကီး, ခ့ၣ်အဲၣ်ယူၣ်-လီၢ်ခၢၣ်သး၀ဲၤလီၢ်ခိၣ်သ့ၣ် ဘိးဘၣ်ပၥ်ဖျါဃၣ်၀ဲလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်တီအူဟီၣ်က၀ီၤပူၤ ခီဖျိလၢထံဒိၣ်နိယွၤအဃိ ထံၣ်လုၥ်ဘၢကွံၥ်၀ဲ သ၀ီ(၇၅)ဖျၢၣ်, ပှၤနီၣ်ဂံၢ်(၁၄၈,၅၀၀)ဂၤ ဘၣ်ကွၢ်ဆၢၣ်မဲၥ်ဘၣ် ထံတၢ်လီၤဘၣ်ယိၣ်၀ံၤ ဘၣ်ဟးဂီၤကွံၥ်၀ဲ တၢ်သိၣ်လိကၠိ(၁)ဖျၢၣ်ဒီး ဘၣ်သံ၀ဲပှၤ(၇)ဂၤန့ၣ်လီၤ.
လၢန့ၣ်အမဲၥ်ညါထံဒိၣ်နိယွၤအဃိပရဲလိၥ်ကျိမုၢ်ထီၣ်တပၤကမျၢၢ်တၢ်လုၢ်အီၣ်သးသမူ,တၢ်ဖံးအီၣ်မၤအီၣ်လီၢ်ကျဲတဖၣ်လၢအမ့ၢ် တၢ်သူၣ်ဘုစံၣ်ပှဲၤလီၢ် အ့ကၢၢ်(၂၀၃၇၂.၅၇) ထံလုၥ်ဘၢကွံၥ်တကးဘၣ် ကျီၢ်,ပနၢ် ဘၣ်သံ၀ဲ အဒုခဲလၢၥ်(၇၀)ဘျဲၣ်အဂ့ၢ် စံး၀ဲန့ၣ်လီၤ.
