လါစဲးပထ့ဘၢၣ်(၂၇)သီ,၂၀၂၄နံၣ်
ဖဲလၢ အံၣ်စရ့ၣ်သုးရိၣ်မဲခိၣ်ကျၢၢ် ထံၣ်လိၥ်သးဒီး အံၣ်စရ့ၣ်သုးမုၢ်ဒိၣ်လၢ အိၣ်ဖဲအံၣ်စရ့ကလံၤစိးဟီၣ်က၀ီၤတပၤအဆၢကတီၢ် တဲလီၤ၀ဲလၢ တၢ်ထီၣ်ဒုး လဲးဘနိၣ်လၢ ဟီၣ်ခိၣ်မဲၥ်ဖံးခိၣ်သ့အဂ့ၢ်န့ၣ်လီၤ.
ဟ့းစဘိၣ်လၣ်တဖၣ် ဟဲနုၥ်လီၤဒုးဃီၤ၀ဲ တုၤလၢအံၣ်စရ့ၣ်တၢ်ချၢၣ်သးဟီၣ်က၀ီၤပူၤ၀ံၤ ဟဲဒုး၀ဲဒီးမျိၥ်သၣ်ယူၢ်တဖၣ် လၢအံၣ်စရ့ၣ်မီးစဲးသုးပ့ၢ်ဆှါ၀ဲၤလီၢ်ခိၣ်သ့ၣ်လၢ အိၣ်ဖဲတဲအဘ့းအဂ့ၢ် တဲပၥ်ဂၢၤပၥ်ကျၢၢ်၀ဲန့ၣ်လီၤ.
အံၣ်စရ့စ့ၢ်ကီး က့ၤဒုးဆၢက့ၤ၀ဲ ဟ့းစဘိၣ်လၣ်သုးတၢ်ပညိၣ်လီၢ်တဖၣ် လၢကလံၤကျါ ဖဲလဲးဘလိၣ်ဟီၣ်က၀ီၤအပူၤဒီး တယံၤဒံးဘၣ်အဆၢကတီၢ် တၢ်လဲၤဒုးအီၤအပူၤ ဘၣ်သံ၀ဲ ပှၤ(၅၀၀)ဘျဲၣ်အဂ့ၢ် လဲးဘနိၣ်ပှၤဘၣ်မူဘၣ်ဒါတဖၣ် တဲ၀ဲန့ၣ်လီၤ.
ဖဲမဟါအနံၤစ့ၢ်ကီး အံၣ်စရ့ၣ် လဲၤဒုး၀ဲ တၢ်လီၢ်လၢဟ့းစဘိၣ်လၣ်ခးမျိၥ်သၣ်ယူၢ်တဖၣ်ပၥ်ဃုၥ် သုးတၢ်ပညိၣ်လီၢ်(၂၈၀)လၢ ကလံၤကျါအဃိ ပှၤဘၣ်သံကဒီး၀ဲ (၅၀)ဘျဲၣ်န့ၣ်လီၤ.
တၢ်ဒုးလၢ အကဲထီၣ်သးဒီးဟ့းစဘိၣ်လၣ် အံၤတုၤဃီၤ၀ဲဆူ အသီတပတီၢ်လံအဂ့ၢ် အံၣ်စရ့ၣ်ဘိးဘၣ်ရၤလီၤ၀ဲ၀ံၤ ဖဲလၢကီၢ်ဆၢ သုးဂ့ၢ်၀ီအဂီၢ် ကိးအါထီၣ်ဃၣ်၀ဲ ပှၤသုးဖိတဖၣ်လၢ တၢ်ပၥ်ပလီၢ်ဃၥ် သုးတြိၤ(၂)ဘ့ၣ်အအိၣ်န့ၣ်လီၤ.
စှၤသီအတီၢ်ပူၤ ခံခီခံကပၤအဘၢၣ်စၢၤ တၢ်ကမၤ(၂၁)သီယံၤ တၢ်ပတုၥ်တၢ်ခးအဂီၢ်ဒီး တၢ်ကဘှါလီၤ တၢ်ဖ့ၣ်စၢတဖၣ်အဂီၢ် အမဲရကၤ, ဘြံးတံး, အံယူၣ်ပၥ်ဃုၥ် ထံကီၢ်(၂၁)ဘ့ၣ် ဆီၣ်တခူထီၣ်ဃၣ်၀ဲန့ၣ်လီၤ.
Ref:NHK
