လါစပထ့ဘၢၣ်(၁၈)သီ,၂၀၂၄နံၣ်
စှၤသီအတီၢ်ပူၤ ခံခီခံကပၤ ဘိးဘၣ်ရၤလီၤလၢ ကအိၣ်ဂဲၤဆၢထၢၣ်၀ဲ ဒ်ကရၢ(၂)ဖုလီၤဆီလၢ ပအိးဒီကလုၥ်တၢ်ထူၣ်ဖျဲးကရၢခိၣ်ကျၢၢ်(PNLO/PNLA)အပူၤအဂ့ၢ်န့ၣ်လီၤ.
မ့မ့ၢ်လၢ PNLO/PNLA ပှၤဆီၣ်ထွဲမၤစၢၤတၢ် သုးခိၣ်ဒိၣ်စိ ခိၣ်အိးကၣ်တခီစံး၀ဲလၢ ကအိၣ်ဂဲၤဆၢထၢၣ်ကမၤကဒီး၀ဲ ဒ်ထံကီၢ်ဒီတဘ့ၣ်တၢ်ပတုၥ်တၢ်ခးလံၥ်ဃံးဃၥ်(NCA)ကျဲသနူအသိးအဂ့ၢ်န့ၣ်လီၤ.
“ယတပၥ်ဃုၥ်လၢ ကရၢလၢထီဒါ သုးမီၤစိရိၤလၢၤဘၣ်. မတၤမး တဟးထီၣ်လၢ မတၤမးအအိၣ်ဘၣ်. လီၤဖးကွံၥ် (၂)ဖုလီၤ.”
လါစပထ့ဘၢၣ်(၁၀)သီအနံၤ, PNLO/PNLA ပှၤဆီၣ်ထွဲမၤစၢၤတၢ် သုးခိၣ်ဒိၣ်စိ ခိၣ်အိးကၣ် ဘိးဘၣ်ရၤလီၤဃၣ်၀ဲလၢ ကဟးထီၣ်ကွံၥ်အ၀ံၤအတဲၥ်လၢ ခိၣ်သူၣ်ရ့ၣ်တီခိၣ်ရိၣ်မဲ(PNLO)ကရၢအပူၤအဂ့ၢ်န့ၣ်လီၤ.
လါစပထ့ဘၢၣ်(၁၃)သီအနံၤ, ခိၣ်သူၣ်ရ့ၣ်တီခိၣ်ရိၣ်မဲ PNLOတခီ ဘိးဘၣ်ရၤလီၤဃၣ်၀ဲလၢ သုးဂ့ၢ်၀ီတၢ်ဖ့ၣ်စၢစးထီၣ်ကဲထီၣ်တ့ၢ်ဒီးသုးကီၣ်ကးအဘၢၣ်စၢၤ ဖဲ၂၀၂၄နံၣ်, လါယနူၤအါရံၤ(၂၁)သီအနံၤန့ၣ် NCAတၢ်ဖံးတၢ်မၤတဖၣ် ပတုၥ်သးလံအဂ့ၢ်န့ၣ်လီၤ.
ဘိးဘၣ်ရၤလီၤဃၣ်၀ဲလၢ ကတီၢ်ခဲအံၤ ကလုၥ်ဒူၣ်ပှၤဖီၣ်စုက၀ဲၤကရၢလၢ အဆဲးလီၤပၥ် NCAတဖၣ်လၢ အလဲၤထံၣ်လိၥ်သးဒီး သုးကီၣ်ကးဒီး လၢ 7 EAO Allianceအပူၤ တၢ်ပျဲလီၤဃၣ် PNLOခၢၣ်စးတအိၣ်ဘၣ်အဂ့ၢ်ဒီး ဘၣ်ထွဲဒီးကရၢခိၣ်ကျၢၢ်တၢ်ဖံးတၢ်မၤတဖၣ်အဖီခိၣ်န့ၣ် ခိၣ်နၢ်(၅)ဂၤလၢတၢ်ဟ့ၣ်လီၤမူဒါ တၢ်ဆဲတဲၥ်မးမ့ၢ်ဒၣ် အမ့ၢ်အတီလီၤအဂ့ၢ်န့ၣ်လီၤ.
Ref: RFA
