လါအီကူး(၁၅)သီ,၂၀၂၄နံၣ်
(၃)နံၣ်ဘျဲၣ်အတီၢ်ပူၤ ခီဖျိလၢသုးကီၣ်ကးအသုးခးသံ၀ဲအဃိ ကမျၢၢ်လၢတၢ်ကမၣ်တအိၣ် အဂၤ(၅၅၀၀)ဘျဲၣ်သံ၀ဲအဂ့ၢ် ပှၤမၤစၢၤထံရူၢ်ကီၢ်သဲးပှၤလီၤဃိၣ်ဖိကရၢ (AAPP)ထုးထီၣ်ပၥ်ဖျါဃၣ်၀ဲန့ၣ်လီၤ.
စးထီၣ်လၢနွ့ၣ်အူတၢ်ပၢၢ်ဆၢတုၤခဲကနံၤအံၤ ပှၤ(၂၀,၇၄၈)ဂၤ ဘၣ်တၢ်ဖီၣ်ဃၣ်အီၤအဖၢမုၢ်ဒံးလီၤ၀ံၤ ဖဲန့ၣ်အကျါ ပှၤ(၉,၃၃၁)ဂၤတခီ တၢ်ပၥ်လီၤဃိၣ်န့ၣ်လီၤ.
ပှၤကဘၣ်လီၤတၢ်စံၣ်ညီၣ်သံလၢ တၢ်ဒုးဃၣ်အီၤဃိၣ် ခဲလၢၥ်ပၥ်ဖှိၣ်အိၣ်၀ဲ (၁၂၃)ဂၤ၀ံၤ ပှၤလၢဘၣ်တၢ်စံၣ်ညီၣ်သံခူသူၣ်(၄၄)ပၥ်ဃုၥ် ပှၤ(၁၂၁)ဂၤတခီ တၢ်ဟ့ၣ်ခူသူၣ်တၢ်ကမၣ်အဃိ ပှၤလၢတၢ်ဟ့ၣ်တၢ်စံၣ်ညီသံခဲလၢၥ်ပၥ်ဖှိၣ်အိၣ်၀ဲ (၁၆၇)ဂၤအဂ့ၢ် စံး၀ဲန့ၣ်လီၤ.
တုၤကတီၢ်ခဲအံၤ ပှၤလၢတၢ်ဖီၣ်အီၤ၀ံၤ ဘၣ်တၢ်ပျၢ်ကဒါက့ၤအီၤအိၣ်၀ဲ (၆,၄၅၃)ဂၤအဂ့ၢ် စံး၀ဲန့ၣ်လီၤ.
တကးဘၣ် တနံၣ်အံၤ,စးထီၣ်လၢလါအီကူး(၁)သီအနံၤတုၤ(၁၄)သီအနံၤအတီၢ်ပူၤ ကီၢ်ပယီၤဒီတဘ့ၣ်တၢ်လီၢ်သကုၤ ခီဖျိလၢသုးကီၣ်ကးအသုးအဃိ ပိၥ်မုၣ်(၉)ဂၤ,ပိၥ်ခွါ(၁၅)ဂၤ ခဲလၢၥ်ပၥ်ဖှိၣ်(၂၄)ဂၤသံ၀ဲ၀ံၤ ဖဲန့ၣ်အကျါ ဖိသၣ်လၢသးနံၣ်အိၣ်(၁၈)နံၣ်ဆူအဖီလၥ် ပၥ်ဃုၥ်၀ဲ(၃)ဂၤဒီး ပှၤသးပှၢ်လၢသးနံၣ်အိၣ်(၆၀)ဆူအဖီခိၣ်(၃)ဂၤစ့ၢ်ကီး ပၥ်ဃုၥ်၀ဲအဂ့ၢ် စံး၀ဲန့ၣ်လီၤ.
ပှၤ(၂၄)ဂၤအကျါ ပှၤ(၁၃)ဂၤန့ၣ် ခီဖျိလၢသုးကီၣ်ကးလဲၤခးလီၤတၢ်လၢကလံၤကျါအဃိသံ၀ဲ၀ံၤ မ့မ့ၢ်လၢပှၤ(၁၀)ဂၤတခီ ခီဖျိလၢသုးကီၣ်ကးခးလီၤကျိဖးဒိၣ်အဃိသံ၀ဲဒီး လၢစကဲကီၢ်ခီပူၤတခီ ပှၤသံ၀ဲ(၇)ဂၤဒီးမ့ၢ်အအါကတၢၢ်လီၤအဂ့ၢ် စံး၀ဲန့ၣ်လီၤ.
