လါအ့ဖြ့ၣ်(၂)သီ, ၂၀၂၄နံၣ်
လၢအ့ၣ်ယၣ်၀တံၣ်ကီၫ်ခီ တၫ်ဘၣ်ကဲသုးတၫ်ဘျၢအဖီခိၣ် သးစၫ်လၢဘၣ်ကဲသုးတဖၣ် ဖဲလါမးရှး(၃၁)သီနံၤန့ၣ် ဘၣ်တၫ်စးထီၣ်တူၫ်လိာ်အီၤလၢ သုးတၫ်သိၣ်လိကၠိ(၂)ဖျၢၣ်ပူၤအဂ့ၫ် တၫ်သ့ၣ်ညါဘၣ်လီၤ.
ကီၫ်ဆၣ်ပသံၣ်(ပုသိမ်မြို့နယ်), ရွှ့ၣ်မၠ့ၣ်တ့ၣ်သ၀ီကရူၫ်(ရွှေမြင်တင်ကျေးရွာအုပ်စု)ပူၤ နီၫ်ဂံၫ်(၆) ဂံၫ်ခီၣ်ထံး သုးတၫ်မၤလိဒီး ကီၫ်ဆၣ်အ့ၣ်ကပူၣ်(အင်္ဂပူမြို့နယ်), ၀့ၫ်ကွ့ကီး(ကွင်းကောက်မြို့) နီၫ်ဂံၫ်(၅) ပတီၫ်ထီသုးတၫ်သိၣ်လိကၠိတဖၣ် နီၤဖးလီၤ၀ဲတၫ်လီၫ်ခံတီၤ၀ံၤ ဟ့ၣ်၀ဲသုးတၫ်မၤလိအဂ့ၫ် တၫ်သ့ၣ်ညါဘၣ်လၢ ပှၤလၢအိၣ်ဘူးဒီးသုးကီၣ်ကးအိၣ်လီၤ.
စခတ(၆)န့ၣ် ပှၤထီၣ်တၫ်မၤလိဖိအိၣ်၀ဲ(၃၀၀)ဂၤဘျဲၣ်, တတက(၅)တခီအိၣ်၀ဲ (၄၀၀)ဂၤဘျဲၣ်ဒီး ခဲလၢာ်ဒုအိၣ်၀ဲ (၈၀၀)ဂၤဘျဲၣ်န့ၣ်လီၤ. တၫ်မၤလိတဘျီအံၤန့ၣ် ပှၤလၢအသူၣ်ဆူၣ်သးဂဲၤတဖၣ် ပာ်ဃုာ်၀ဲအဂ့ၫ် ပှၤလၢအိၣ်ဘူးဒီးသုးကီၣ်ကးတဲ၀ဲလီၤ.
ပှၤလၢဟဲတုၤဆူ ၀့ၫ်ပသံၣ် နီၫ်ဂံၫ်(၆) ဂံၫ်ခီၣ်ထံးသုးတၫ်သိၣ်လိကၠိအါတက့ၫ်န့ၣ် မ့ၫ်၀ဲပှၤတဖၣ်လၢအိၣ်ဟဲဖဲ ၀့ၫ်တကူၣ်, ပကိ(ပဲခူး) လီၫ်က၀ီၤသးစၫ်တဖၣ်၀ံၤ ၀့ၫ်ကွ့ကီး(ကွင်းကောက်မြို့) တတက(၅)တခီ အိၣ်ဟဲဖဲ အ့ၣ်ယၣ်၀တံၣ်ကီၫ်ခီ(ဧရာ၀တီတိုင်း), ကီၫ်ဆၣ်(မြို့နယ်)တဖၣ်ပူၤ သးစၫ်တဖၣ်အဂ့ၫ် တၫ်သ့ၣ်ညါဘၣ်လီၤ.
အ့ၣ်ယၣ်ကတံၣ်ကီၫ်ခီ, ကီၫ်ဆၣ်(မြို့နယ်)တဖၣ်ပူၤ အဆိကတၢၫ်တဘျီ တၫ်ဘၣ်ကဲသုးအဂီၫ် ပှၤလၢအမံၤအသၣ် ပာ်ဃုာ်ခဲလၢာ် (၁)ကထိဘျဲၣ်တဖၣ် ဖဲလါမးရှး(၂၈)သီနံၤ က၀ီၤဒ့(ရပ်ကွက်), ပၢပြးသ၀ီသးပှၫ်(ကျေးရွာအုပ်ချုပ်ရေးမှုး)တဖၣ် ကဟံးန့ၫ်မူဒါ သမံသမိးဘၣ်၀ံၤ ကလဲၤဆှၢ၀ဲဆူ ၀့ၫ်ပသံၣ်, မုၫ်နုာ်ကလံၤထံး သုး၀ဲၤလီၫ်ခိၣ်သ့ၣ်(အနောက်တောင်တိုင်း စစ်ဌာနချုပ်)အိၣ် ဖဲဂီၤ(၁၀)နၣ်ရံၣ်အဂ့ၫ် နဲၣ်လီၤ၀ဲအဃိ ဘၣ်တၫ်လဲၤဆှၢန့ၫ် အ၀ဲသ့ၣ်အဂ့ၫ် တၫ်သ့ၣ်ညါဘၣ်လၢ ပၢပြးသ၀ီသးပှၫ်(ကျေးရွာအုပ်ချုပ်ရေးမှုး)တနီၤအိၣ်န့ၣ်လီၤ.
သးစၫ်(၁)ကထိဘျဲၣ်လၢ ဘၣ်တၫ်လဲၤဆှၢန့ၫ်အ၀ဲသ့ၣ်တဖၣ် တနီၤစုခီၣ်တဂ့ၤဘၣ်ဆၣ် နီၤဖးလီၤ၀ဲ(၃)ဖု၀ံၤ တၫ်လဲၤဆှၢအီၤဆူ သုးကီၣ်ကးအသုးတၫ်မၤလိလီၫ်၀ံၤ တုၤလၢသုးတၫ်မၤလိလီၫ်မးဒီး တၫ်ဟ့ၣ်ခွဲးလၢ ကဆဲးကျိးဒီး ဟံၣ်ဖိဃီဖိတဖၣ်အဂ့ၫ် တၫ်သ့ၣ်ညါဘၣ်လီၤ.
Photo: Ayeyarwaddy Times
