လါမးရှး(၂၉)သီ, ၂၀၂၄နံၣ်
BGF သုးဖိတနီၤလၢဆီတလဲအသးဆူ ကညီသုးမုၫ်ဒိၣ်-KNA(ကရင်အမျိုးသားတပ်မတော်)တဖၣ် ပာ်ဖှိၣ်မၤသကိးက့ၤတၫ်ဒီးသုးကီၣ်ကး၀ံၤ အိၣ်ဆၢထၢၣ်ကဒီးဒ် BGF အသိးအဂ့ၫ် တၫ်သ့ၣ်ညါဘၣ်လၢတၫ်ကစီၣ်လၢအိၣ်ဘူးဒီး BGF တဖၣ်အိၣ်န့ၣ်လီၤ.
BGF လၢပာ်ဖှိၣ်မၤသကိးက့ၤတၫ်ဒီး သုးကီၣ်ကးန့ၣ်မ့ၫ်၀ဲ ဘိၣ်ကၠၣ်အ့အသုးပာ်ဃုာ် သ့စီၣ်မ့အသုးဖိတဖၣ်စ့ၫ်ကီး ပာ်ဃုာ်၀ဲအဂ့ၫ် တဲ၀ဲလီၤ.
သ့စီၣ်မ့တခီ ဘိၣ်ခၠံးသူၣ် တတူၫ်လိာ်အီၤဘၣ်အဃိ နုာ်လီၤက့ၤ၀ဲဆူ ဘိၣ်ကၠၣ်အ့အဖီလာ်န့ၣ်လီၤ. အ၀ဲသ့ၣ်တဖၣ် အိၣ်ဆၢထၢၣ်ကဒီးဒ် BGF တၫ်စဲပနီၣ်န့ၣ်လီၤ.
ပာ်ဖှိၣ်မၤသကိးတၫ်လၢသုးကီၣ်ကးဒီး BGF တၫ်စဲပနီၣ် မ့ၫ်ပာ်န့ၣ် တမ့ၫ် KNA အပှၤဘၣ်အဂ့ၫ် KNA ပတီၫ်ထီခိၣ်နၫ်တဂၤ တဲဟ့ၣ်ပလီၫ်၀ဲလီၤ.
တၫ်လၢအဲၣ်ဒိးတဲဘၣ်ကမျၢၫ်တဖၣ်န့ၣ်မ့ၫ်၀ဲ ပတမၤသကိးတၫ်ဒီးသုးကီၣ်ကးလၢၤဘၣ်. သုးဖိတကပၤ မ့ၫ်တဟ့ၣ်ဒုးသ့ၣ်ညါတၫ်နီတမံၤ မ့ၫ်အိၣ်သကိးတပူၤဃီဒီး သုးကီၣ်ကး၀ံၤ ထီထီၣ် BGF တၫ်စဲပနီၣ်န့ၣ် တမ့ၫ် KNA သုးဖိဘၣ်အဂ့ၫ် ခိၣ်နၫ်၀ဲန့ၣ်တဲ၀ဲလီၤ.
KNAလၢဘိၣ်ခၠံးသူၣ် တီခိၣ်ရိၣ်မဲ၀ဲအံၤန့ၣ်ဟးထီၣ်လၢသုးကီၣ်ကး အစုတီၤဖီလာ်၀ံၤ တဟံးန့ၫ် လါလဲဒီး တၫ်အီၣ်တၫ်အီလၢသုးကီၣ်ကးအိၣ်ဘၣ်ဒီး အသုးမုၫ်သံၣ်ဘိ ဟံၣ်ဖိဃီဖိတဖၣ်တခီ KNA ဟ့ၣ်မၤစၢၤအီၤတၫ်အီၣ်တၫ်အီတဖၣ်လီၤ.
Ref: Salweepress
