လါမးရှး (၄)သီ, ၂၀၂၄နံၣ်
ကီၫ်ပယီၤၦၤနီၫ်ဂံၫ်(၁၈)ကကွဲၫ် လိၣ်ဘၣ်ဂ့ၫ်ဂီၫ်အူ ဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤအဂ့ၫ် ဘီမုၫ်စၢဖှိၣ်ကရၢ ဘၣ်ထွဲဟီၣ်ခိၣ်ဖိ တၫ်ဒိသူၣ်ဒိသးတၫ်ပာ်ဖှိၣ်တၢၣ်ပီၣ်တဲသကိး၀ဲၤဒၢး(UNOCHA) ဘိးဘၣ်ရၤလီၤ၀ဲဖဲ လါမးၡး(၃)သီအနံၤန့ၣ်လီၤ.
တၫ်ဒုးအဃိ လၢတၫ်ဘံၣ်တၫ်ဘၢ တအိၣ်ဘၣ်အကျါ ကျိာ်စ့အလုၫ်အၦ့ၤလီၤအဃိ ၦၤအါတက့ၫ် တၫ်လိၣ်ဘၣ်လၢတနံၤတၫ်အိၣ်မူ မၤလၢၦဲၤ၀ဲကန့ၫ်အဂီၫ် ဘၣ်ဂဲၤလိာ်၀ဲကီဒိၣ်မးအဂ့ၫ် ပာ်ဖျါ၀ဲလီၤ.
ထံကီၫ်ဒီတဘ့ၣ်အပူၤ တၫ်သဘံၣ်သဘုၣ်တဖၣ် အိၣ်အါထီၣ်၀ံၤ လီၤဆီဒၣ်တၫ် လၢမုၫ်ထီၣ်ကလံၤထံး(အရှေ့တောင်ပိုင်း), မုၫ်နုာ်ကလံၤစိး(အနောက်မြောက်ပိုင်း)ဒီး ရခၢၣ်ကီၫ်စဲၣ်တဖၣ်အပူၤ မ့ၫ်အအၢကတၢၫ်၀ံၤ ၦၤဘၣ်ကီဘၣ်ခဲဖိအနီၫ်ဂံၫ်နီၫ်ဒွး(ဒုက္ခသည်အရေအတွက်)စ့ၫ်ကီး ဟဲအိၣ်အါထီၣ်၀ဲအဂ့ၫ် UNOCHA တဲ၀ဲန့ၣ်လီၤ. တုၤလၢကတီၫ်အံၤ ၦၤဘၣ်ကီဘၣ်ခဲဖိလၢ ဘၣ်ပာ်တ့ၫ်ဟံၣ်ဃီအိၣ်ထီၣ်လံ(၂.၇)ကကွဲၫ်လံအဂ့ၫ်စ့ၫ်ကီး တဲ၀ဲန့ၣ်လီၤ.
ရခၢၣ်ကီၫ်စဲၣ်အပူၤ စးထီၣ်ဖဲ၂၀၂၃နံၣ် လါနိၣ်၀့ဘၢၣ်အပူၤန့ၣ် ကျဲခဲလၢာ် ဘၣ်တၫ်ကးတံာ်ကွံာ်အီၤအဃိ တၫ်အီၣ်တၫ်အီကၤ(ၡားပါး)ထီၣ်၀ံၤ ပနံာ်အၦ့ၤကလံၤ(ကုန်စျေးနှုန်း)တဖၣ်စ့ၫ်ကီး ဒိၣ်ထီၣ်၀ဲအဂ့ၫ် ပာ်ဖျါ၀ဲလီၤ. UNOCHA တကပၤ ကျဲးစၢး၀ဲလၢကလဲၤတုၤဆူ ၦၤလၢလိၣ်ဘၣ်တၫ်မၤစၢၤတဖၣ်အအိၣ်ဘၣ်ဆၣ် တလဲၤဘၣ်လၢတၫ်သဘျ့ပူၤဘၣ်အမဲာ်ညါ ဘၣ်တၫ်ကးတံာ်ကွံာ်အကျဲ, စ့ပာ်ကီၤ(ရန်ပုံငွေ)တလၢဘၣ်အဃိ လဲၤ၀ဲတတုၤစ့ၫ်ကီးအဂ့ၫ် တဲ၀ဲန့ၣ်လီၤ.
ref:rfa
photo:freeburmarangers
