လါဖ့ၤဘြူၤအါရံၤ ၂၇သီႇ ၂၀၂၄နံၣ်
ဖဲလါဖ့ၤဘြူၤအါရံၤ(၂၄)သီအနံၤ လၢ KNU/KNLA သုးက့နီၫ်ဂံၫ်(၅)ဟီၣ်က၀ီၤအပူၤ ခီဖျိလၢ ကညီဒီကလုာ်တၫ်ထူၣ်ဖျဲးသုးမုၫ်ဒိၣ်-KNLA သုးဂ့ၫ်၀ီတၫ်တီခိၣ်ရိၣ်မဲအဖီခိၣ် FFD Droneသုး ထီၣ်မၤန့ၫ် သုးကီၣ်ကး မီၣ်ဖူ(ယိစလ့သုးကလၢၤ) မော်ဖူး(ရိုးစလင်းစခန်း)အဂ့ၫ် FFD Droneသုးပာ်ဖျါဃာ်၀ဲန့ၣ်လီၤ.
FFD Droneသုး တကပၤ စးထီၣ်ဖဲလါဖ့ၤဘြူၤအါရံၤ (၁၇)သီအနံၤ တုၤ(၂၄)သီအနံၤ တ့ၫ်လီၤမ့ၣ်ပိၫ်အဖျၢၣ်(၄၀) ခီဖျိလၢဒရိ(ဒရုန်း)၀ံၤ ဟ့ၣ်၀ဲသုးဂ့ၫ်၀ီတၫ်ဆီၣ်သနံး(စစ်ရေးဖိအား)လီၤ. KNLA တကပၤစ့ၫ်ကီး ဟ့ၣ်တၫ်ဆီၣ်သနံး(စစ်ရေးဖိအား)ခီဖျိလၢကျိ(Sniper)တဖၣ်လီၤ.
တၫ်လဲၤဒုးအီၤလၢဒရိ(Drone) တပယူာ်ဃီဒီး ဟ့ၣ်အီၤသုးဂ့ၫ်၀ီတၫ်ဆီၣ်သနံး(စစ်ရေးဖိအား)၀ံၤ ယံာ်(၁)နွံဘျဲၣ် ဖဲလါဖ့ၤဘြူၤအါရံၤ (၂၄)သီအနံၤ ဂီၤအကတီၫ်န့ၣ် သုးကီၣ်ကး အသုးလၢဂံၫ်ဘါအိၣ်(၄၀)ဂၤဃၣ်ဃၣ်အံၤ အိၣ်လၢအသုးကလၢၤ တကဲလၢၤဘၣ်ဒီး ပာ်တ့ၫ်ကွံာ်အသုးကလၢၤအဂ့ၫ် တၫ်သ့ၣ်ညါဘၣ်လီၤ.
ဖဲ KNLA ဒီး FFDသုးဖိတဖၣ် လဲၤထီၣ်မၤပျီက့ၤသုးကလၢၤအကတီၫ် မၤန့ၫ် ကျိချံၦာ်သၣ်တနီၤအဂ့ၫ် တၫ်သ့ၣ်ညါဘၣ်လၢ တၫ်မဲာ်ညါသုးဖိတဖၣ်အအိၣ်န့ၣ်လီၤ. မီၣ်ဖူ(ယိစလ့သုးကလၢၤ) န့ၣ် အိၣ်ဆီလီၤအသးဖဲ ၦဲၤလိာ်ကျိ(ရိုးစလင်းချောင်း)အကပၤ၀ံၤ အိၣ်ဆီလီၤဃာ်အသးလၢ (၁၉၉၅)နံၣ်လံၤလံၤန့ၣ်လီၤ.
photo:FFD
