လါဖ့ၤဘြူၤအါရံၤ ၂၆သီႇ ၂၀၂၄နံၣ်
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, ကီၫ်သူလ့ၤတၫ်ပၢဟီၣ်က၀ီၤ, ချၢၣ်လွံၫ်ထူၣ်ကီၫ်ရ့ၣ်အပူၤ သုးကီၣ်ကးအသုးတဖၣ် ပညိၣ်ခးလီၤထံဖိကီၫ်ဖိကမျၢၫ်တဖၣ်၀ံၤ လၢကမျၢၫ်တၫ်အိၣ်ဆိးလီၫ်ကျဲတဖၣ်အပူၤ ဖဲ၂၀၂၄နံၣ် လါဖ့ၤဘြူၤအါရံၤ(၂၁)သီအနံၤတုၤ (၂၄)သီအနံၤ ခးလီၤကျိဖးဒိၣ်တစှၤန့ၫ်(၁၀၁)ဖျၢၣ် အမဲာ်ညါ ခးလီၤစ့ၫ်ကီးကျိဖးဒိၣ်လၢဒရိ(ဒရုန်း) တစှၤန့ၫ်(၅)ဖျၢၣ်အဃိ ကမျၢၫ်ဟံၣ်(၃၄)ဖျၢၣ် မ့ၣ်အူအီၣ်လီၤကလဲကွံာ်၀ံၤ ဟံၣ်(၅)ဖျၢၣ်, ကျီၫ်အဒဲ(၁)ဖျၢၣ်ဒီး သီခါဖၠၣ် (၁)ဖျၢၣ် ဘၣ်ဟးဂီၤ၀ဲအဂ့ၫ် ခ့ၣ်အဲၣ်ယူၣ် ပာ်ဖျါ၀ဲလီၤ.
လွံၫ်သီအတီၫ်ပူၤ သုးဟံးန့ၫ်ဆူၣ်ထံကီၫ်တၫ်စိတၫ်ကမီၤသုးကီၣ်ကးအသုး အတၫ်မၤဟးဂုၤဟးဂီၤလၢချၢၣ်လွံၫ်ထူၣ်ကီၫ်ရ့ၣ်အပူၤ
