ရၢရှၢၣ်(ရုရှား)ဒီး ဘဲလရူး(ဘယ်လာရုစ်)ကီၫ်ဆၢအပူၤ (NATO)သုးတဖၣ် ဆီလီၤမၤအါထီၣ်သုးဂံၫ်ဘါအဃိ လီၤဂာ်ဒ် ဟီၣ်ခိၣ်တၫ်ဒုးသၢဘျီတဘျီ(တတိယကမ္ဘာစစ်) ကကဲထီၣ်အသးအဂ့ၫ် ဘဲလရူးကီၫ်ခိၣ် အဲလဲးစဲဒၣ် လူၣ်ကၣ်ရှၣ်ကိၣ်(Aleksandr Lukashenko)တဲ၀ဲန့ၣ်လီၤ.
ဖဲဟီၣ်ခိၣ်တၫ်ဒုးတၢတဘျီဒီး ခံဘျီတဘျီ ဟီၣ်ခိၣ်ဖိဘၣ်သံဘၣ်ပှၫ်အသိး တၫ်အိၣ်သးအိၣ်ထီၣ်လၢ လီၤပျံၤလီၤဖုးလီၤဘၣ်ယိၣ်၀ဲအဂ့ၫ်န့ၣ် ဖဲလါဖ့ၤဘြူၤအါရံၣ်အသီ(၂၀)အနံၤ ဖဲထံၣ်လိာ်အသးဒီး ဘဲလရူး တၫ်ဘံၣ်တၫ်ဘၢကီၣ်ကး ပ့ၫ်ဆှါကရၢ(ဘဲလာရုစ် လုံခြုံရေးကောင်စီအဖွဲ့ )အကတီၫ် ဘဲလရူးကီၫ်ခိၣ် အဲလဲးစဲဒၣ် လူၣ်ကၣ်ရှၣ်ကိၣ်(Aleksandr Lukashenko)တဲ၀ဲန့ၣ်လီၤ.
ရၢရှၢၣ်(ရုရှား)ဒီး ဘဲလရူး(ဘယ်လာရုစ်)ကီၫ်ဆၢအပူၤ အမဲရကၤ(အမေရိကန်)ဒီး န့ၣ်တိၣ်(NATO)အသုးတဖၣ် အိၣ်လၢအကလးဂၤအသိး ဆီလီၤဃာ် အသုးတၫ်ပီးတၫ်လီတဖၣ်အိၣ်၀ဲအဂ့ၫ်တဲ၀ဲန့ၣ်လီၤ.
ရၢရှၢၣ်(ရုရှား)ဒီး ဘဲလရူး(ဘယ်လာရုစ်)ကီၫ်ဆၢလၢ အိၣ်ဒီးတၫ်မုာ်တၫ်ခုၣ်အံၤ မုၫ်နုာ်ကရၢတဖၣ် ဟဲဆီလီၤအသုးဂံၫ်ဘါဒီး တၫ်စုက၀ဲၤတဖၣ်န့ၣ် မ့ၫ်တၫ်ဃုအ့ၣ်လိာ်လီၤအဂ့ၫ် ပှၤနီတဂၤဂ့ၫ်လိာ်၀ဲတသ့ဘၣ်န့ၣ် ဘဲလရူးကီၫ်ခိၣ် အဲလဲးစဲဒၣ် လူၣ်ကၣ်ရှၣ်ကိၣ်(Aleksandr Lukashenko)တဲ၀ဲန့ၣ်လီၤ.
လၢကီၫ်ဆၢ ဆီလီၤသုးဂံၫ်ဘါအိၣ်အသိး လၢဘဲလရူးပဒိၣ်အပူၤ ခိၣ်နၫ်ဒိၣ်ထီတဖၣ် အမဲရကၤဒီး ဖိၣ်လၣ်(ပိုလန်)ပ့ၫ်ဆှါအတၫ်ဟဲဂိၫ်စုဂိၫ်ခီၣ်တဖၣ် တၫ်ကဘၣ်ပလီၫ်သးအဂ့ၫ် ဘဲလရူးကီၫ်ခိၣ် အဲလဲးစဲဒၣ် လူၣ်ကၣ်ရှၣ်ကိၣ်(Aleksandr Lukashenko)တဲ၀ဲစ့ၫ်ကီးန့ၣ်လီၤ.
ref:BNN
