ကီၫ်ပယီၤပူၤ တၫ်ပာ်လီၤ၀ဲတၫ်ဘၣ်ကဲသုးတၫ်ဘျၢ၀ံၤအလီၫ်ခံ ပှၤလၢဟဲနုာ်လီၤဒီးခိၣ်ဂီၤ(၇)သီ ဖဲကၠီၣ်တဲၣ်-ပယီၤကီၫ်ဆၢ, မဲဆီး-ရၤမတံ နီၫ်ဂံၫ်(၁)တၫ်ရ့လိာ်မုာ်လိာ်တိၤတဖၣ် တၫ်တပျဲနုာ်လီၤဘၣ်ဒီး မဲဆီးတပၤတၫ်အုၣ်ခီၣ်(အာမခံ)မ့ၫ်တအိၣ်ဘၣ်န့ၣ် တၫ်ပျၣ်ကဒါက့ၤအီၤအဂ့ၫ် ကမျၢၫ်လၢအိၣ်ဖဲကီၫ်ဆၢတဂၤတဲ၀ဲန့ၣ်လီၤ.
“မဟါအနံၤန့ၣ် သကိးတဂၤဟဲဆူ ကၠီၣ်တဲၣ်တပၤလီၤ. ကီၫ်ပယီၤတပၤ မၤန့ၫ်အီာ်လံာ်လၢ အဖိးသဲစး(တရားဝင်)လီၤ. ကၠီၣ်တဲၣ်တပၤန့ၣ် တၫ်သမံသမိးတြဲၤနီၫ်ဂံၫ်(ဂိတ်နံပါတ်)တဖၣ်အိၣ်လီၤ. ဆဲးကျိးယၤလၢလီတဲစိလီၤ. ဃ့တၫ်မၤစၢၤလၢ ယအိၣ်လီၤ. ဘၣ်မနုလဲၣ်န့ၣ် ပှၤအိၣ်လၢမဲဆီး(မဲဆောက်)န့ၣ် ပှၤလၢကဟဲနုာ်လီၤအဂီၫ် ကဘၣ်အုၣ်ခီၣ်(အာမခံ)န့ၫ်အီၤလၢ မ့ၫ်ပှၤတဂၤလၢတအိၣ်ဖဲ မဲဆီးဘၣ်န့ၣ်လီၤ. ပှၤလၢအိၣ်လၢ မဲးဆီန့ၣ် ကဘၣ်အုၣ်ခီၣ်န့ၣ်လီၤ. တၫ်န့ၣ်မး လဲၤသ့အဂ့ၫ်တဲ၀ဲလီၤ. ဟဲနုာ်လီၤတန့ၫ်ဘၣ်အဃိ အ၀ဲသ့ၣ် က့ၤကဒါက့ၤန့ၣ်လီၤ.“
တၫ်စးထီၣ်မၤအီၤလၢ လါဖ့ၤဘြူၤအါရံၤ(၂၀)သီအနံၤ၀ံၤ ကၠီၣ်တဲၣ်တပၤ ပှၤလၢအလံာ်လဲၫ်အိၣ်တဂၤန့ၣ် တၫ်ကဘၣ်ဟ့ၣ်လီၤ၀ဲ လံာ်လဲၫ်တဖၣ်ဒီး ကဘၣ်အုၣ်ခီၣ်၀ဲအဂ့ၫ် စံး၀ဲန့ၣ်လီၤ. ဘၣ်ဆၣ် ပှၤလၢဟဲနုာ်လီၤတဂၤအံၤ မ့ၫ်တက့ၤဘၣ်န့ၣ် ပှၤလၢအုၣ်ခီၣ်န့ၫ်အီၤတဂၤ တၫ်ကီတၫ်ခဲဘၣ်အီၤလီၤအဃိ တၫ်ကအုၣ်ခီၣ်အဂီၫ် တညီဘၣ်အဂ့ၫ် စံး၀ဲန့ၣ်လီၤ.
“ပှၤလၢအိၣ်လၢမဲဆီးတပၤစ့ၫ်ကီး အလံာ်လဲၫ်မ့ၫ်ပာ်န့ၣ် ဘၣ်ဒိ၀ဲဒီး စက့ၣ်(စကင်)န့ၣ်လီၤ. ဒီး ပှၤလၢဟဲနုာ်လီၤတဂၤအံၤ ဟဲပှ့ၤတၫ်ဧါ, မ့ၫ်တမ့ၫ်န့ၣ် ပှၤလၢအုၣ်ခီၣ်န့ၫ်အီၤမ့ၫ်အိၣ်မး တၫ်ပျဲနုာ်လီၤ၀ဲန့ၣ်လီၤ. လၢတပၤ တၫ်ဂ့ၫ်ကီမီၤ. လၢတပၤ လံာ်လဲၫ်စ့ၫ်ကီးန့ၣ် နတၫ်မၤမူဒါခိၣ်မတၤလဲၣ်, တၫ်အိၣ်ဆိးလီၫ်ကျဲစ့ၫ်ကီးဘၣ်ဟ့ၣ်လီၤတၫ်မၤလံာ်တၫ်ပျဲ(ပန်းရောက်ကဒ်), လီတဲစိနီၫ်ဂံၫ်(ဖုန်းနံပါတ်)တဖၣ်လီၤ. အ၀ဲသ့ၣ်ဟံးပာ် ခီၣ်ပံၣ်(Copy)ခဲလၢာ်လီၤ. “
ပှၤကီၫ်ပယီၤဖိတဖၣ်အံၤ တချူးလၢတၫ်ပာ်လီၤတၫ်ဘၣ်ကဲသုးတၫ်ဘျၢလံၤလံၤန့ၣ် အ၀ဲသ့ၣ်ကဖံးမၤဘၣ်တၫ်ခါခါအဂီၫ် တမၤအါထီၣ်တၫ်အိၣ်ဆိးတၫ်ပျဲ လံာ်ခီကီၫ်(နေထိုင်ခွင့်လက်မှတ်)တဖၣ်ဒီး အိၣ်၀ဲလၢကၠီၣ်တဲၣ်တပၤန့ၣ်လီၤ. ခဲအံၤစ့ၫ်ကီး ပှၤဒ်န့ၣ်တဖၣ်အါထီၣ်အဃိ ကၠီၣ်တဲၣ်တပၤ မၤအါထီၣ်၀ဲတၫ်သမံသမိးတဖၣ် ဃံးဃံးလီၤအဂ့ၫ် ပှၤလၢဟူးဂဲၤပှၤမၤတၫ်ဖိဂ့ၫ်၀ီ အူမိကၠိ(ဦးမိုးကြိုး)တဲ၀ဲန့ၣ်လီၤ.
“(၇)သီ လံာ်တၫ်ပျဲလီၤ. (၆)နၤမံ (၇)သီလံာ်တၫ်ပျဲလီၤ. တၫ်န့ၫ်ဘၣ်လၢ ကီၫ်ပယီၤတပၤလံာ်တၫ်ပျဲလီၤ. ပှၤအါတက့ၫ်အိၣ်လၢမဲးဆီး၀ံၤ တက့ၤလၢာ်ဘၣ် ဒီး အိၣ်၀ဲဖဲမဲဆီးလီၤ. တၫ်မၤလၢအန့ၫ်ဘၣ်တခါခါန့ၣ် မၤ၀ဲလီၤ. ဒီး ကထီၣ်ဘၣ်၀ဲ ဘီကီာ်(ဘန်ကောက်)အဂီၫ်မၤ၀ဲလီၤ“ တၫ်န့ၣ်အဃိ တက့ၤလၢာ်ဘၣ်.
ကတီၫ်ခဲအံၤန့ၣ် ပှၤဆါတၫ်ဖိလၢအိၣ်ဖဲ ရၤမတံ(မြဝတီ)တဖၣ်လၢ ဟဲနုာ်လီၤလၢနံၤဒီးက့ၤလၢဟါ ဖဲကၠီၣ်တဲၣ်, မဲဆီးတပၤစ့ၫ်ကီး ကၠီၣ်တဲၣ်တပၤ ဖီၣ်၀ဲန့ၣ်လီၤ. တၫ်ဟဲခီ၀ဲဒၣ်လၢအဖိးသဲစးဘၣ်ဆၣ် တၫ်ပျဲတအိၣ်လၢတၫ်ကဆါတၫ်အဃိ တၫ်ဖီၣ်၀ဲအဂ့ၫ် စံး၀ဲန့ၣ်လီၤ. ကီၫ်ပယီၤတပၤစ့ၫ်ကီး မၤဃံးထီၣ်၀ဲ၀ံၤ ပှၤလၢဟဲနုာ်လီၤလၢ ကၠီၣ်တဲၣ်တဖၣ် တၫ်ဟံးပာ်၀ဲခိၣ်ဂီၤ(မှတ်ပုံတင်)တဖၣ်အသိး ကၠီၣ်တဲၣ်တပၤစ့ၫ်ကီး ကၠီၣ်တဲၣ်တပၤ ပှၤလံာ်လဲၫ်အိၣ်တဂၤဂၤ မ့ၫ်အုၣ်ခီၣ်န့ၫ်အီၤမး တၫ်ပျဲနုာ်လီၤလၢ ကၠီၣ်တဲၣ်တပၤအဂ့ၫ် စံး၀ဲန့ၣ်လီၤ.
ref:voa
photo:luckytreasuretravels
