ဘံၣ်ကၠံၣ်အဲးအခိၣ်ပၢဘၣ် ခၠံးသူၣ်မၠဲၣ်ဖီကရၢၫ်ဒီး တၫ်တၤကျိာ်တၤစ့တၫ်လိာ်ကွဲလီၫ်တဖၣ် ဖဲလါဖ့ၤဘြူၤအါရံၤ (၂၁)သီအနံၤ, ဂီၤအဆၢကတီၫ်န့ၣ် တၫ်ကးတံာ်ကွံာ်၀ဲအဂ့ၫ်တၫ်သ့ၣ်ညါဘၣ်လၢ ပှၤလၢဘူးဒီးဘံၣ်ကၠံၣ်အဲးတဂၤအအိၣ်န့ၣ်လီၤ.
“တနံၤအံၤ တၫ်ကးတံာ်အီၤ(ခၠံးသူၣ်မၠဲၣ်)လံ. တၫ်ပျဲက့ၤအီၤ ပှၤမၤတၫ်ဖိခဲလၢာ်၀ံၤ ဘံၣ်ကၠံၣ်အဲး(BGF)သုးဖိတဖၣ်စ့ၫ်ကီး တအိၣ်လၢၤဘၣ်အဂ့ၫ် စံး၀ဲန့ၣ်လီၤ.“
သုးကီၣ်ကးအသုးလၢ အိၣ်ဆီလီၤအသးဖဲ ဖၣ်အၣ်စ့ၫ်ကီး ဘၣ်ယိၣ်၀ဲလၢ ခ့ၣ်အဲၣ်ယူၣ် ဒီးတၫ်ပၢၫ်ဆၢသုးပာ်ဖှိၣ် ကနုာ်လီၤဒုး၀ဲအဃိ သုးကရၢၫ်ပူၤသုးအဒူၣ်ဖိထၢဖိ လၢအဒိၣ်တုာ်ခိၣ်ပှဲၤပိာ်ခွါတဖၣ် တၫ်ဟ့ၣ်လီၤပာ်၀ဲစုက၀ဲၤတဂၤစုာ်စုာ်အဂ့ၫ် တၫ်သ့ၣ်ညါဘၣ်လၢ ဖၣ်အၣ်သုးအဒူၣ်ဖိထၢဖှိၣ်အအိၣ်န့ၣ်လီၤ.
“သုးကရၢၫ်ပူၤ ပှၤလၢတဖီၣ်ဘူစုက၀ဲၤနီတဘျီတဖၣ်, ပှၤဒိၣ်တုာ်ခိၣ်ပှဲၤတဖၣ် တၫ်ဟ့ၣ်လီၤပာ်၀ဲစုက၀ဲၤတဂၤစုာ်စုာ်အဂ့ၫ်“ စံး၀ဲန့ၣ်လီၤ.
ဘၣ်ယိၣ်၀ဲလၢ ခ့ၣ်အဲၣ်ယူၣ်ဒီး PDFပာ်ဃုာ် တၫ်ပၢၫ်ဆၢသုးပာ်ဖှိၣ်တဖၣ် ကနုာ်လီၤဒုး၀ဲအဂ့ၫ် စံး၀ဲန့ၣ်လီၤ.
လၢန့ၣ်အမဲာ်ညါ တချူးတုၤဖဲ ဖၣ်အၣ်၀့ၫ်, ထါကိပ့ၣ်သ၀ီ(ထန်းကိုးပင်ရွာ)န့ၣ် သုးကီၣ်ကးတပၤ ကးတံာ်ဃၣ်၀ဲ သိလ့ၣ်ကျဲတဖၣ်အဂ့ၫ် တၫ်သ့ၣ်ညါဘၣ်လၢ လီၫ်က၀ီၤကမျၢၫ်တဖၣ်အအိၣ်န့ၣ်လီၤ.
“တၫ်မ့ၫ်ပာ်လီၤပှၤသံအစိာ်လၢ တၫ်သွၣ်ခိၣ်န့ၣ် ဘၣ်မၤဒ်လဲၣ်တသ့ၣ်ညါဘၣ်. ပျဲမ့ၫ် တပျဲလဲၣ် တသ့ၣ်ညါဘၣ်“ အဂ့ၫ်
ဖၣ်အၣ်၀့ၫ် ကမျၢၫ်ဖိတဂၤ စံး၀ဲန့ၣ်လီၤ.
ref:salweenpress
photo:frontiermyanmar
