ပကိကီၫ်ခီ, ချၢၣ်လွံၫ်ထူၣ်ကီၫ်ရ့ၣ်, ကၠီးတကါကီၫ်ဆၣ်, ဟၣ်ရံသ၀ီကရူၫ်(ဟာရီးကျေးရွာအုပ်စု) ဖဲဘၣ်ဘူၣ်ကိသ၀ီ(ဘာဘူကုန်းကျေးရွာ)အကပၤ ကီၫ်ပယီၤလ့ၣ်မ့ၣ်အူကျဲ တိၤနီၫ်ဂံၫ်(၁၄၅)န့ၣ် ဖဲလါဖ့ၤဘြူၤအါရံၣ်အသီ(၂၀)အနံၤ ဟါ(၉း၂၀)နၣ်ရံၣ် အကတီၫ် ဘၣ်တၫ်မၤပိၫ်ဖးထီၣ်အဂ့ၫ် တၫ်သ့ၣ်ညါဘၣ်၀ဲလီၤ.
ကီၫ်ပယီၤ လ့ၣ်မ့ၣ်အူ၀ဲၤကျိၤ ၦၤဘၣ်မူဘၣ်ဒါတဂၤ တဲ၀ဲလၢ တၫ်ကဲထီၣ်အသးန့ၣ် မ့ၫ်၀ဲဖဲ ပ့စလိးလ့ၣ်မ့ၣ်အူသန့(ပိန်းဇလုပ်ဘူတာ)ဒီး သထ့ကိလ့ၣ်မ့ၣ်အူသန့(သူဌေးကုန်းဘူတာ)အဘၢၣ်စၢၤ သၣ်ယၣ်ကိမုၫ်ထီၣ်(သာယာကုန်းအၡေ့ဘက်), ကၠ့းကွ့သ၀ီ(ကြိတ်ကွင်းကျေးရွာ)သ၀ီအကပၤ ကီၫ်ပယီၤလ့ၣ်မ့ၣ်အူကျဲ ကၠ့နါမဲၣ်တဲၣ်(ကြေးနန်းမိုင်တိုင်) နီၫ်ဂံၫ်(၁၀၃/၆) တိၤ ဘၣ်တၫ်မၤပိၫ်ဖးကွံာ်အီၤအဂ့ၫ်န့ၣ်လီၤ.
ၦၤလၢဒိးလ့ၣ်မ့ၣ်အူဖိတဂၤ တဲ၀ဲလၢ လ့ၣ်မ့ၣ်အူန့ၣ် ၦၤပတီၫ်မုၫ်ဖိတဖၣ် ပာ်ဂံၫ်ပာ်ဘါသူ၀ဲလီၤ.
တၫ်လဲၤထီၣ်က့ၤလီၤ မ့ၫ်တဘၣ်လိာ်ဖိးဒ့န့ၣ် ကဲထီၣ်တၫ်ကီတၫ်ခဲလီၤ. သုးကီၣ်ကးတကပၤ တၫ်ဟးဂုၤဟးဂီၤတဖၣ် သမံသမိး၀ဲ၀ံၤ တၫ်လၢလိၣ်တဖၣ် မၤဘၣ်က့ၤ၀ဲအဂ့ၫ်တဲ၀ဲန့ၣ်လီၤ.
ဘၣ်ထွဲတၫ်မၤဟးဂီၤကွံာ် လ့ၣ်မ့ၣ်အူကျဲအဖီခိၣ် လ့ၣ်မ့ၣ်အူကျဲၦၤဘၣ်မူဘၣ်ဒါတဖၣ် တဲ၀ဲလၢ မ့ၫ်တၫ်မၤအၢမၤသီတၫ်ဖံးတၫ်မၤတဖၣ်လီၤအဂ့ၫ် စံးအၢ၀ဲန့ၣ်လီၤ. ကမျၢၫ်တၫ်ဒီသဒၢသုး(ဒေသကာကွယ်ရေးတပ်ဖွဲ့)တကပၤ တထုးထီၣ်ပာ်ဖျါတၫ်နီတမံၤဒံးဘၣ်.
ref:dvb
