အ့ၣ်ယၣ်၀တံၣ်ကီၫ်ခီ ကၣ်ကၠံဒီး၀့ၫ်အကပၤ ဒူသ၀ီ ပၢပြးသ၀ီသးပှၫ်, ဟံၣ်အဖျၢၣ်တဆံအခိၣ်ဒီး ဟံၣ်အဖျၢၣ်တကယၤအခိၣ်တဖၣ် သုးကီၣ်ကးအသုးတကပၤ မၢထီၣ်သုးတၫ်မၤလိအဃိ ပၢပြးကရၢဖိအဂၤ(၃၀)ဃၣ်ဃၣ် ဟးထီၣ်လၢတၫ်မၤအဂ့ၫ် အ့ၣ်ယၣ်၀တံၣ်ထဲ(ဧရာဝတီတိုင်းမ်)တၫ်ကစီၣ်သန့ပာ်ဖျါ၀ဲလီၤ.
ကၣ်ကၠံဒီး၀့ၫ်အကပၤ သယဲးခၠီ(သရက်ချောင်း), တခိၣ်တဲၣ်(တံခွန်တိုင်), ညီၣ်ကိ(ညောင်ကုန်း), ရွ့(ရွေး), ကၠူၣ်တါ(ကျူတန်း), ဖၣ်ခါကိ(ဖန်ခါးကုန်း)သ၀ီတဖၣ်အပူၤ ဒူသ၀ီပၢပြးသ၀ီသးပှၫ်, ဟံၣ်တဆံဖျၢၣ်အခိၣ်ဒီး ဟံၣ်တကယၤဖျၢၣ်အခိၣ်တဖၣ် ဖဲအပူၤကွံာ်စးထီၣ်ဖဲ လါဖ့ၤဘြူၤအါရံၣ်(၂)သီအနံၤ လၢယံာ်ခံနွံ သုးကီၣ်ကးအသုး မၢထီၣ်သုးတၫ်မၤလိအဂ့ၫ် တၫ်သ့ၣ်ညါဘၣ်လၢ ဒူသ၀ီပၢပြးကရၢဖိတဖၣ်အအိၣ်န့ၣ်လီၤ.
၀့ၫ်အကပၤ ဒူသ၀ီပၢပြးသ၀ီသးပှၫ်ခဲလၢာ် တၫ်မၢထီၣ်သုးတၫ်မၤလိလီၤ. အပူၤကွံာ်နံၣ်စ့ၫ်ကီး ကိး၀ဲတဘျီဒီး ဘၣ်လဲၤထီၣ်၀ဲလီၤ. ဟ့ၣ်ထီၣ်တၫ်ဂ့ၫ်လၢသုးတၫ်မၤလိ၀ံၤ ဒူသ၀ီပူၤ ဃ့သးစၫ်တဖၣ် တၫ်ဟ့ၣ်အီၤတန့ၫ်ဘၣ်အဃိ မၢတၫ်လဲၤထီၣ်လၢအနီၫ်ကစၫ်လီၤ. လဲၤထီၣ်၀ဲတကဲဘၣ်အဃိ တီၣ်ထီၣ်လံာ်ဟးထီၣ်ဆူ ကီၫ်ဆၣ်ပၢပြး၀ဲၤဒၢးန့ၣ်လီၤ. ဒူသ၀ီအဂၤတဖၣ်စ့ၫ်ကီး မ့ၫ်တၫ်တမံၤဃီလီၤ. ပှၤအါတက့ၫ်န့ၣ် တီၣ်ထီၣ်လံာ်ဟးထီၣ်အဂ့ၫ် ဒူသ၀ီပၢပြးကရၢဖိတဂၤတဲ၀ဲလီၤ.
ဒ်န့ၣ်အသိး အပူၤကွံာ်လါယနူၤအါရံၣ်အပူၤ လၢကၣ်ကၠံဒီးကီၫ်ဆၣ်အပူၤစ့ၫ်ကီး သးစၫ်အဂၤ(၁၀၀)ဘျဲၣ် သုးကီၣ်ကးအသုး(ခလရ-၃၈) လၢအိၣ်ဆီလီၤအသးဖဲ၀့ၫ်ပသံၣ် ကရၢကရိအီၤဒ်သိးကထီၣ်သုးတၫ်မၤလိ (၁)လါတခီအဂီၫ်ဒီး ပှၤလၢတလဲၤထီၣ်သုးတၫ်မၤလိတဖၣ် တဟံၣ်တၫ်ထၢအီၤစ့တကလးအဂ့ၫ် တၫ်သ့ၣ်ညါဘၣ်လၢ လီၫ်က၀ီၤဖိတဖၣ်အိၣ်န့ၣ်လီၤ.
ကၣ်ကၠံဒီးကီၫ်ဆၣ်အပူၤ ဒူသ၀ီပၢပြးကရၢတဖၣ် တၫ်မၢထီၣ်သုးတၫ်မၤလိအဃိ ဟးထီၣ်လၢတၫ်မၤတစှၤန့ၣ်အဂၤ(၃၀)
